No products in the cart.
Details
Fynsto de winter mar saai? Net mei dit boek!
In boek fol mei ferhaaltsjes, gedichtsjes, ferskes, spultsjes en knutselwurkjes, spesjaal foar bern fan 2 o/m 6 jier. Mar gau (foar)lêze, sjonge en dwaan!
Irene:
Foaryn stiet in oersichtlike ynhâldsopjefte, dêr’t alles tematysk yndield is: Winter, Sint-Marten, Sinteklaas, Kryst en Ald en nij. En der stiet by oft it om bygelyks in ferhaaltsje of in spultsje giet. Gau in tapaslik ferhaaltsje opsykje wylst dyn pjut ûngeduldich oan dyn earm lûkt… dat slagget hjirmei wol. It falt my op dat by in soad opdrachtsjes lytse letters brûkt wurde en de klinkers in oare kleur hawwe. Dêrmei slút it oan op de lêsmetoaden fan skoalle. Dat makket dit boek ek geskikt foar de bern dy’t sels al in bytsje lêze kinne.
Lês de hiele resinsje op heitenmem.nl
Wieke:
Dit is in prachtich winterboek foar bern fan 2 oant en mei 6 jier.
Oan de bûtenkant fan it boek kinst net sjen hoe ferrassend de binnenkant is.
Mar ienkear begûn mei lêzen fernimst direkt dat it boek folle is mei in grut ferskaat oan ferhalen en opdrachten.
Der steane nammentlik in hiel soad ferskillende ferhalen en dingen om te dwaan yn, wat foar in perfekte ôfwikseling soarget en moai oanslút by dizze leeftiid skategory.
Foar elke leeftiid is der wat te dwaan, te harkjen en te knutseljen.
