Mika-eagen

Details

Mika-eagen is de debútbondel fan Carla van der Zwaag (1951). Tegearre mei har twalingsus ûntduts se op trettjinjierrige leeftyd yn ’e  boekhannel in dichtbondel fan Hanny Michaelis. Rillegau makke se har eigen gedichten. Nei har trouwen, trije bern en 25 jier foar de klasse wie der wer tiid foar dichtsjen en tekenjen.

Yn Mika-eagen komt in breed ferskaat oan tema’s en ûnderwerpen foarby. De gedichten binne ûnderbrocht yn de ôfdielingen Jeugd, De wrâld, Mei fakânsje en Ik. Carla van der Zwaag ûndergiet har libben en de wrâld mei blidens en swiersettigens. De bondel tsjûget fan ljocht en tsjuster.