No products in the cart.
Details
Fjoerdûnsers is de debútbondel fan Jetze de Vries (Harns). Syn poëzy is byldryk en boartlik. Hy skriuwt mei ynmoed en humor oer de wrâld en syn taal kin as in pook yn de ferbylding reakelje.
it ljochte reid op ’e earm
sinnestrielen yn dyn lange hier
dyn fjild in fris lekken
it nôt it wâljen
dûzeljend op ’e jûn
dêr’t dûnse wurdt
yn ’e rûs fan gleone lûden
Sa stookt er it fjoer op: slynt it wurd fan de flam, dûnset in sin oer gleone koallen. De Vries beweecht him gauris tusken de dream en de werklikheid, tusken it ferline en de aktuele tiid. Syn lûd is sêft en tear. Syn fersen prikelje.
