Boskman (De taiga fan Timofei Sofer) - gedichten

Details

Boskman (De taiga fan Timofei Sofer) is skreaun troch de eagen fan Edwin de Groot syn alter ego Timofei Sofer, in Joadske boskarbeider út Birobidzjan yn East-Sibearië. De dichter hat himsels útdage om te besykjen fierder te sjen as syn eigen omjouwing en skreau in bondel as in hiel bosk. De bosk as de wrâld; ferwolkomjend, fijannich, waarm, kâld, tsjuster en ljocht.

Freonskip, ferlies, de (ambifalinte) relaasje mei de natuer, famylje, de grutte politike machten dy’t de boarger ferhûddûkje. It is oeral itselde. De freonskip kin de rêder wêze, de famylje, de natuer ek. En de leafde net te ferjitten.

Edwin de Groot (1963) is redakteur fan it (online) Frysktalige tydskrift Ensafh. Dit is syn sechsde Frysktalige bondel. De Groot wûn mei syn gedichten meardere kearen de Rely Jorritsmapriis. Hy publisearre Nederlânsktalige poëzij yn û.o. Hollands Maandblad en Gierik & Nieuw Vlaams Tijdschrift.