Wa helpt Aldemar mei de pakjes?

Details

Aldemar is de help fan Sint Piter, mar d’r is ien grut probleem. Hy is in bytsje in skiter, en doart net by de dakken omheech. De pakjes moatte al troch de skoarstien, en dat slagget net samar. Hoe moat er dit no ha? Hy freget it oan de bisten: Kikkert, Fisk, Hert, Mûs, Knyn, Kat en … Fûgel. ‘Ik flean de pakjes oeral hinne, mei syn sterke wjukken moat dat kinne.’

Sint Piter is de hillige dy’t alle jierren op de sneons foar syn jierdei (21 febrewaris) fan Spanje nei Grou komt en dêr de boat oanleit oan de Nije Kade. It feest as sadanich stamt út 1900. Der waard betocht dat Sint Piter de broer fan Sinteklaas wie, dy’t nei Grou kaam om pakjes te bringen doe’t Sinteklaas it doarp fergetten wie.