Stip yn it swimbad

Details

Stip sil te swimmen mei syn nije swimbân. Doart er wol yn it wetter? In leaf ferhaaltsje foar bern dy’t it swimbad noch wol in bytsje spannend fine.

Fansels binne der ek mear moaie Stipboeken.

Sietske: “It ferhaal is hiel werkenber foar Jelte fan 2,5 jier; swimmen, de bantsjes dy’t om de earmen gean, lekker boartsje en spatte yn it wetter en fansels in ijsko oan ’e ein. Mar ek dat Stip it earst wat spannend en it wetter kâld fynt, mar it úteinlik toch hiel moai fynt. Jelte kin dan ek net genôch krije fan it boek en it moat hieltyd wer opnij lêzen wurde. Omdat it sa werkenber is, en it oer swimmen giet, wat Jelte supermoai fynt, kin hy al gau it ferhaal sels fertelle en pakt er it boekje der ek graach opnij wer by om nochris te lêzen.” Lês hjir Sietske har folsleine resinsje. 

Jeltje: “Ik fyn it boekje hiel geskikt foar jonge bern om’t it ferhaal net sa lang is en dêrom ek goed yn ien kear te lêzen is mei bern fan noch gjin jier âld. ” Lês hjir Jeltje har folsleine resinsje.