It blauwe krytsje wol in oare kleur

Details

It blauwe krytsje fynt har kleur net moai. Se giet de wrâld yn op syk nei in oare kleur. Underweis komt se allegearre bisten tsjin dy’t besykje har te helpen, mar soe dat slagje?

Berber Koning is berne yn Wergea (6-12-1963). Se wennet sûnt 1984 yn Winsum. Nei in oantal jierren fan drok wurk, earst yn de soarch en letter yn it eigen famyljebedriuw, krijt se no stadichoan wat mear tiid foar wat se graach docht: ‘ferhalen betinke en opskriuwe’. Yn de gesellige ‘ferhaaltsjetiid’ mei har fiif bernsbern, is dit ferhaal ûntstien.

Tjitske Hoogma is berne yn Tirns (24-09-1961). Sy wennet sûnt 1988 yn Winsum. Yn It blauwe krytsje wol in oare kleur fersterket Tjitske it ferhaal mei prachtige yllustraasjes. Earder beskildere se Makkumer ierdewurk. Se makket no moaie skilderijen en beskilderet oesterskulpen.