De kâlde krústocht

Details

Yn dit boek mei nije iisferhalen fan Hylke Speerstra wurdt de lêzer meisleept op in spannende winterreis. Under him heart er it skrassen fan de redens en it kreakjen fan it iis. Der glydt in hiele ieu oan him foarby. Underweis begjint de lêzer mei te libjen mei de haadfigueren dy’t op syk binne nei frijheid, gelok en bettere tiden. En nei de útdaging dy’t ek op it iis te finen is … It is mear as in sportboek, it is in sosjaal dokumint fol hoop en wanhoop yn de krisisjierren, ferrie yn de oarloch, en fan leafde troch alle tiden hinne. En yn elk ferhaal lizze drama en humor perfekt by elkoar yn de slach.