Brutsen en oare stikken - gedichten

Details

Sander Hoekstra is in drok baaske. Neist syn wurk as direkteur fan Hoekstra Brânbefeiliging, Reiki-master en algemien bestjoerslid fan ‘e Jongfryske Mienskip mei er graach mei taal boartsje. Nei in ûngefal yn ‘e tún dêr’t hy syn skouderbonke by bruts, kaam er twa moanne thús te sitten. Dat wie er net wend, dat stilsitten, en hy skreau alle frustraasje fan him ôf. It die bliken dat de skriuwer, dy’t ornaris bekend stie as in blier minske, in inketswarte binnenside hat. Libbensûnderfining, mjukse mei in sûne doasis selsspot, foarmje de yngrediïnten fan dizze bondel. Maklik Frysk taalgebrûk en de prachtige yllustraasjes fan Skelte Siweris Braaksma moatte derfoar soargje dat dizze bondel fral jonge lêzers lûkt. De tiid sil it leare.