Piksjitten op Snyp

Details

Yn dizze roman fjochtsje twa skriuwers op libben en dea om de oantinkens fan in lyts jonkje, de Lytsk. De skriuwers neame har De Grutsk en Ika2. As bern hawwe de skriuwers likernôch itselde meimakke, mar no binne se it ûniens oer dy tiid. Ika2 wennet yn de binnenstêd fan Grutstêd. De Grutsk sit yn in hege toer oan de râne fan dyselde stêd. Njoggen fideobannen bringe har werom nei it ferline. Mei njoggen huorren, dy’t te krijen ha mei de froulju (famkes) dy’t se kennen hawwe, sykje se it ferline op. Yn Snyp of in oar doarp. As De Grutsk (of De Lytsk, of Ika2) letter de slottango dûnset mei de tophoer De Fryd komme alle toutsjes byelkoar. Tangodûnsjen is libjen, libjen is tangodûnsjen, miskien sels skriuwen.