JanMurk de Vries, ûneinige beweging

Details

Yn it wurk fan JanMurk de Vries (1919-2015) sit altyd beweging: lang útsette linen yn it brede lânskip; de beweging fan it tij; tûken, hannen dy’t omheech rikke. Der sit ek beweging yn de ferhâlding tusken minske en natuer, yn it sykjen fan de minske nei syn relaasje mei omjouwing en kosmos. De oandiene – ‘bewogen’ – minske!

JanMurk de Vries ‘fertelde’ yn in ferskaat oan techniken, as skilder, byldhouwer, glêskeunstner en skriuwer, oer syn ferhâlding ta minsken, lânskip en religy. Yn syn wurk, dat noch te bewûnderjen is yn tsjerken yn Boalsert en Harns en musea yn Drachten en Harns, wjerspegelet him in komplete wrâld. Dit boek leit dy wrâld foar ús iepen.

Yn OBE op it Ljouwerter Aldehouster Tsjerkhôf is fan 25 jannewaris o/m 5 april 2020 de tentoanstelling ‘Uneinige beweging’ te sjen.