It ferdielde libben

Details

Skiednis kin beskreaun wurde, mar is ek belibbe. Benammen oarloch pakt minsken oan en slingeret har yn in oar libben, dêr’t se net op tarist binne en dat se dochs ûndergean sille. Noch mear: se moatte har der mei rêde. It sil noait wenne. Benammen dêrnei net. Want as dy minsken werom binne yn it gewoane deistich bestean, liket it libben spjalte tusken de tiid fan foar en nei de oarloch.

Fan trije minsken komt dy spjalt yn dit boek foar ‘t ljocht. In jonge dy’t meidien hat oan it ferset yn Nederlân, in Dútske jongkeardel dy’t mei de Wehrmacht Europa trochgien is en in jongfeint dy’t nei de oarloch as tsjinstplichtige nei Indië west hat.