De kening sûnder hynder

Details

As de kening mei in poerbêst sin de keninklike stallen yn stapt, wachtet him in aaklike ferrassing: syn hynder is ferdwûn! Resolút giet er op aventoer út om syn trouwe kammeraat te finen. Lang hoecht de kening net te sykjen, want bûten de kastielpoarte leit in draak te sliepen – en út de búk fan de draak klinkt it begrutlik: ‘Hi-hi-hii’. Wat dochst as dyn bêste freon opiten is troch in gigantyske draak? Dan moatst fansels al eefkes slokke. En dêrnei sammelest al dyn moed byelkoar om him te rêden.

De kening sûnder hynder is in grappich ferhaal op rym oer heldemoed en échte freonskip. It ferskynt nei oanlieding fan de Berneboekewike 2025.

Lisanne: “Nu we het ook in het Frysk kunnen voorlezen, kunnen we haar weer nieuwe woorden leren, en ook voor ons zaten er weer nieuwe woorden bij. Als ik een cadeautje had moeten kopen, dan zou ik dit zeker hebben gekocht! We kunnen er zo om lachen, en hoe fijn is dat net voor het slapengaan. Lekker ontspannen kunnen gaan slapen en kunnen dromen over je eigen avonturen.” Lês hjir de folsleine resinsje fan Lisanne.

Yvonne: “De kening sûnder hynder is ûnderdiel fan de populêre searje De ridder sûnder billen. Ek mei dit boek is it Levina van Teunenbroek en Charlotte Bruijn tige slagge om in noflike kombinaasje te meitsjen tusken spanning en humor. Der sil dan ek seker lake wurde ast dit boek foarlêst. De tekst is op rym skreaun – sels fyn ik dat altyd fantastysk! Foarlêzen wurdt in feestje: bern kinne de rymwurden sels oanfolje en yn it Frysk wurdt dat noch in bysûndere taalreis. Sa ûntdekke pjutten en beukers tagelyk sawol it ferhaal as de muzyk fan de taal.” Lês hjir de folsleine resinsje fan Yvonne.