Brieven an Sibbeltien - Stellingwarfs verhael uut et Batteljon Frieslaand (1945-1948)

Details

Kollumachtige prachtbrieven, dat bin ‘t, schreven deur Jannes de Oostganger. Een schoelnaeme, en een goeien iene ok, want nog altied weten we niet wie as Jannes west het. Wel weten we wat him en aandere leden van et Friese vri’jwilligersbatteljon en van vule meer zokke batteljons bezielde om in militair verbaand naor Indië te gaon. Nederlaand was krek bevri’jd, dat et was veur pattie now tied om zels de meensken in Indië te helpen. Tegen de bezetters uut Japan, en tegen de Indische meensken die een stried begonnen weren – en op ‘t langelaeste ok winnen zollen – veur de Indonesische bevri’jding van et Nederlaanse bestuur.

De expedisie van Jannes en zien maoten kende echte Friezen, Stellingwarvers, Twenten mar ok meensken uut aanderen dielen van Nederlaand. Ze treenden eerst op ‘e Fochtel, in de bekende kaampen Ybenheer en Oranje, en in Kaamp Donkerbroek. We lezen van de tocht via Engelaand naor Indië en dan over de anwezighied en militaire aktiviteiten in Indië.

Jannes schreef onderwegens brieven an zien maegien Sibbeltien in Huttenbarg, dat is niet veer van Willemsoord in Stienwiekerlaand. Ze geven zicht op zien ondervienings, aktiviteiten en gedaachtewereld. Dit alles wodt vaeke op een kruderig-Stellingwarver toon verteld.

Veur ‘t locht brocht en uutduded deur Henk Bloemhoff en Otto de Vent.